கிரிக்கெட் வீரர்களுக்கான ஒப்பந்த பட்டியலில் இருந்து நட்சத்திர வீரர்களான ஸ்ரேயஸ் ஐயர் மற்றும் இஷான் கிஷன் உட்பட 9 நட்சத்திர வீரர்கள் அதிரடியாக நீக்கப்பட்டுள்ளனர்.
2023-24 கிரிக்கெட் வீரர்களின் வருடாந்திர ஒப்பந்தப் பட்டியலை பிசிஐ வெளியிட்டுள்ளது. இந்த பட்டியலில் மொத்தம் 30 கிரிக்கெட் வீரர்கள் இடம் பிடித்துள்ளனர். 30 கிரிக்கெட் வீரர்கள் கிரேடு ஏ பிளஸ், ஏ, பி மற்றும் சி பிரிவுகளாக பிரிக்கப்பட்டுள்ளனர்.
பிசிசிஐ-ன் அறிவுறுத்தல்களை மதிக்காத கிரிக்கெட் வீரர்கள் மீது இந்திய கிரிக்கெட் வாரியம் எந்தளவுக்கு கண்டிப்புடன் இருக்கும் என்பதற்கு புதிய ஒப்பந்தம் பதில் அளித்துள்ளது. ஏனெனில் பிசிசிஐ ஒப்பந்தத்தில் முக்கிய இரண்டு கிரிக்கெட் வீரர்களான இஷான் கிஷன் மற்றும் ஸ்ரேயாஸ் ஐயர் இடம் பெறவில்லை.
ஆனால் இந்த இரண்டு கிரிக்கெட் வீரர்கள் மட்டும் இல்லை என்று தெரிந்தால் நீங்கள் ஆச்சரியப்படுவீர்கள். இஷான், ஸ்ரேயாஸ் உட்பட மொத்தம் 9 கிரிக்கெட் வீரர்கள் வாரிய ஒப்பந்தத்தில் இருந்து நீக்கப்பட்டுள்ளனர். அவர்கள் அனைவரும் நட்சத்திர கிரிக்கெட் வீரர்கள். சிலரது பெயர்களை கேட்டால் நீங்கள் உண்மையிலேயே ஆச்சரியப்படுவீர்கள்.
இஷான் மற்றும் ஸ்ரேயாஸ் தவிர, அஜிங்க்யா ரஹானே, சேதேஷ்வர் புஜாரா, உமேஷ் யாதவ், ஷிகர் தவான், தீபக் ஹூடா, யுஸ்வேந்திர சாஹல், தீபக் சாஹர் ஆகியோர் குழுவின் மத்திய ஒப்பந்தத்தில் இருந்து வெளியேறிய கிரிக்கெட் வீரர்கள் பட்டியலில் இடம்பெற்றுள்ளனர்.
தவான் மற்றும் சாஹல் ஒரு வருடத்திற்கும் மேலாக தேசிய அணியில் இருந்து வெளியேறினர். இருப்பினும், புஜாரா மற்றும் ரஹானேவை நீக்கியது ஆச்சரியமாக இருந்தது. ஏனென்றால் அவர்கள் உள்நாட்டு கிரிக்கெட்டில் விளையாடினார்கள்.
ஆண்டுக்கு 7 கோடி ரூபாய் ஊதியம் கொண்ட A+ பிரிவில்
இந்திய அணியின் கேப்டன் ரோஹித் சர்மா, முன்னாள் கேப்டன் விராட் கோலி, வேகப்பந்து வீச்சாளர் பும்ரா மற்றும் ஆல்ரவுண்டர் ரவீந்திர ஜடேஜா ஆகியோர் தக்கவைக்கப்பட்டுள்ளனர்.
5 கோடி ரூபாய் ஆண்டு ஊதியம் கொண்ட A பிரிவில், தமிழ்நாட்டைச் சேர்ந்த ரவிச்சந்திரன் அஸ்வின், முகமது ஷமி, முகமது சிராஜ், கே.எல்.ராகுல், சுப்மன் கில் மற்றும் ஹர்திக் பாண்ட்யா ஆகிய 6 வீரர்கள் இடம்பெற்றுள்ளனர். இதில், கே.எல்.ராகுல் மற்றும் சுப்மன் கில் ஆகிய இருவரும் B பிரிவில் இருந்து A பிரிவுக்கு முன்னேறியுள்ளனர். 3 கோடி ரூபாய் ஆண்டு ஊதியம் கொண்ட கிரேடு பி பிரிவில், சூர்யகுமார் யாதவ், ரிஷப் பண்ட், குல்தீப் யாதவ், அக்சர் படேல் மற்றும் யாஷஸ்வி ஜெய்ஸ்வால் இடம்பெற்றுள்ளனர்.
ஆண்டுக்கு 1 கோடி ரூபாய் ஊதியம் கொண்ட கிரேடு சி பிரிவில் 15 இந்திய வீரர்கள் இடம்பெற்றுள்ளனர். வாஷிங்டன் சுந்தர், ரிங்கு சிங், ருதுராஜ் கெய்க்வாட், சஞ்சு சாம்சன், ஷிவம் துபே உள்ளிட்டோர் ஆண்டுக்கு ஒரு கோடி ரூபாய் ஊதியம் பெற உள்ளனர். ஆண்டுக்கு ஒரு கோடி ரூபாய் ஊதியம் கொண்ட கிரேடு சி பிரிவில், இம்முறை புதிதாக 10 பேர் இணைந்துள்ளனர்.