மூன்று தங்க விருதுகளை வென்ற கொமர்ஷல் வங்கி..!!

CA ஸ்ரீலங்காவின் 2022 ஆம் ஆண்டிற்கான TAGS விருதுகள் 2023 இல் கொமர்ஷல் வங்கி மூன்று தங்கங்களையும் ஒரு வெண்கலத்தையும் வென்றது.
கூட்டாண்மை ஆளுகை வெளிப்பாடு (Corporate Governance Disclosure) மற்றும் டிஜிட்டல் மாற்று அறிக்கை (Digitally Transformative Reporting) அறிக்கையிடல் ஆகியவற்றிற்காக வங்கி அனைத்து துறைகளிலும் சிறந்ததாகத் தேர்வு செய்யப்பட்டு, பிரதான பிரிவு விருதுகளில் இரண்டு தங்கங்களையும் வங்கித் துறையில் சிறந்த வருடாந்த அறிக்கைக்கான தங்க விருதினையும் பெற்றதோடு கூட்டாண்மை அறிக்கையிடலில் பொதுநிலையான உறுதித்தன்மைக்கான வெண்கல விருதினையும் வென்றுள்ளது.

இந்த விருதுகள் குறித்து கொமர்ஷல் வங்கியின் முகாமைத்துவப் பணிப்பாளரும் பிரதம நிறைவேற்று அதிகாரியுமான திரு. சனத் மனதுங்க கருத்துத் தெரிவிக்கையில், ‘இந்த மதிப்புமிக்க விருதுகளை வென்றெடுப்பதில் நாங்கள் மிகவும் மகிழ்ச்சியடைகிறோம். TAGS விருதுகள் மிகவும் முக்கியமானவை, ஏனெனில் அவை வெளிப்படுத்தும் மிக முக்கியமான நான்கு தூண்களில் கவனம் செலுத்துகின்றன. வெளிப்படைத்தன்மை, பொறுப்புக்கூறல் நிர்வாகம் மற்றும் நிலைத்தன்மை ஆகியவை வங்கியின் முக்கிய மதிப்புகளில் உட்பொதிக்கப்பட்டுள்ளன, மேலும் கொமர்ஷல் வங்கி தனது வருடாந்த அறிக்கையைத் தயாரிக்கும் போது இந்தப் பகுதிகளுக்கு கூடுதல் முக்கியத்துவம் அளிக்கிறது.

கொமர்ஷல் வங்கியின் வருடாந்த அறிக்கைகள் பல வருடங்களாக உள்ளூர் மற்றும் பிராந்திய விருதுகளுடன் தொடர்ந்து அங்கீகரிக்கப்பட்டு வருகின்றன. CA ஸ்ரீலங்காவினால் நிதி அறிக்கையிடலில் சிறந்து விளங்கியதற்காக வழங்கிய Cyril Gardiner Memorial விருதை 10 தடவைகள் பெற்றுள்ளதுடன் CA ஸ்ரீலங்கா வழங்கிய சிறந்த வருடாந்த வருடாந்த அறிக்கைக்கான Edmund Cooray Memorial விருதை 17 சந்தர்ப்பங்களில் வென்றுள்ளது. 2022 ஆம் ஆண்டிற்கான கொமர்ஷல் வங்கியின் வருடாந்த அறிக்கையானது, உலகின் மிகப்பெரிய வருடாந்த அறிக்கை போட்டியான 2023 MerComm ARC விருதுகளில் ஐந்து விருதுகளை வென்றுள்ளது.

பங்களாதேஷில் 20 விற்பனை நிலையங்கள், மியான்மரின் நே பை தாவில் ஒரு நுண்நிதி நிறுவனம் மற்றும் மாலைதீவில் பெரும்பான்மையான பங்குகளைக் கொண்ட முழு அளவிலான அடுக்கு ஐ வங்கி ஆகியவற்றைக் கொண்டு இலங்கை வங்கிகளில் கொமர்ஷல் வங்கியானது பரந்த சர்வதேச தடயத்தைக் கொண்டுள்ளது.

இலங்கையின் முதல் 100% கார்பன் பாவனையினை குறைத்த வங்கி, உலகின் தலைசிறந்த 1000 வங்கிகளில் பட்டியலிடப்பட்ட வங்கி, கொமர்ஷல் வங்கியாகும். கொமர்ஷல் வங்கி வலையமைப்பினைக் கொண்ட 271 கிளைகள் மற்றும் 964 தானியங்கி இயந்திரங்களை கொண்டு இயங்குகின்றது. கொமர்ஷல் வங்கி இலங்கையின் சிறிய மற்றும் நடுத்தர வர்த்தகத் துறைக்கு பாரிய கடனுதவி வழங்குவதோடு நாட்டின் வங்கித் துறையில் டிஜிட்டல் புத்தாக்கங்களில் முன்னணியில் உள்ளது. வங்கியின் வெளிநாட்டு செயற்பாடுகள் பங்களாதேஷை உள்ளடக்கியது, அங்கு வங்கி 20 கிளைகளை இயக்குகின்றது: மியன்மார் நய்பியி தாவில் நுண்நிதி நிறுவனத்தினை கொண்டுள்ளது.