சென்னை சூப்பர் கிங்ஸ் அணியில் தோனி விளையாடக்கூடிய கடைசி போட்டி குறித்து அணியின் தலைமை செயல் அதிகாரி காசி விஸ்வநாதன் தெரிவித்த கருத்துக்கள் இணையத்தில் கவனம் பெற்றுள்ளன.
சென்னை அணிக்காக தோனி ஐபிஎல் கிரிக்கெட் தொடரில் 15 சீசன்கள் வரை விளையாடி உள்ளார். ஒட்டுமொத்தமாக தோனி தனது 18 ஆவது ஐபிஎல் சீசனை விளையாட தயாராகி வருகிறார்.
தோனியை சென்னை அணி 4 கோடி ரூபாய் வழங்கி அணியில் தக்க வைத்து கொண்டுள்ளது.
இந்நிலையில் ஊடகம் ஒன்றுக்கு சென்னை அணியின் தலைமை செயல் அதிகாரி காசி விஸ்வநாதன் பேட்டி அளித்துள்ளார்.
அவரிடம் தோனியின் கடைசி சீசன் குறித்து கேள்வி எழுப்பப்பட்டது. அதற்கு அவர் அளித்த பதிலில் கூறியிருப்பதாவது-
தோனியை பொறுத்த அளவில் அவர் எல்லாவற்றையுமே ரகசியமாக வைத்துக் கொள்வார். கடைசி நேரத்தில் தான் அவர் என்ன சொல்கிறார் என்பது தெரியவரும். சென்னை அணி மீதான அவரது பேரார்வத்தை எல்லோரும் அறிவார்கள்.