கடவுச்சீட்டுகளை பெறுவதற்கான திகதியை இன்று (06) முதல் இணையத்தளத்தில் முன்பதிவு செய்ய முடியும் என குடிவரவு குடியகழ்வு திணைக்களம் தெரிவித்துள்ளது.
குடிவரவு குடியகழ்வு திணைக்களத்தின் பதில் கட்டுப்பாட்டாளர் நாயகம் நிலுஷா பாலசூரிய, இம்மாதம் தொடர்பான திகதிகளை ஒதுக்கும் பணிகள் தற்போது நிறைவடைந்துள்ளதாக குறிப்பிட்டுள்ளார்.
அதன்படி, இன்று முதல் ஆன்லைனில் திகதிகளை முன்பதிவு செய்பவர்களுக்கு அடுத்த மாத தொடக்கத்தில் இருந்து திகதிகளை வழங்க முடியும் என்றும் அவர் கூறினார்.