தீபாவளி உலகில் தீய செயல்களைப் போக்கி, நற்செயல்கள் உருவாக வழிவகுக்கிறது!
- இ.தொ.கா தலைவர் செந்தில் தொண்டமான் தீபாவளி வாழ்த்து –
ஒளியின் திருநாளான தீபாவளி திருநாளை கொண்டாடும் அனைவருக்கும் என் அன்பான நல்வாழ்த்துக்கள் என இ.தொ.கா தலைவர் செந்தில் தொண்டமான், விடுத்துள்ள தீபாவளி வாழ்த்துச் செய்தியில் தெரிவித்துள்ளார்.
வாழ்த்துச் செய்தியில் அவர் மேலும் கூறியுள்ளதாவது, இப்பண்டிகை, அதர்மத்தின் மீது தர்மத்தின் வெற்றியையும், இருளின் மீது ஒளியின் வெற்றியையும் குறிக்கிறது.
தீபாவளித் திருநாள், உலகத்தில் உள்ள தீய செயல்களைப் போக்கி, நற்செயல்களை நிலை நாட்டுவதனை அடிப்படையாகக் கொண்டுள்ளதால் உலகெங்கிலும் வாழும் மக்கள் பலராலும் இத்திருநாள் ஜாதி, மத, பேதமின்றி கொண்டாடப்பட்டு வருகிறது.
இப்பண்டிகையானது ஒருவருக்கொருவர் பரஸ்பரமாக வாழ்த்துக்களை பரிமாறி அன்பையும் மகிழ்ச்சியையும் பகிர்ந்துகொள்ளும் கலாசார விழா என்ற வகையில் முக்கியத்துவம் பெறுகின்றது.
இச்சந்தர்ப்பத்தில் சமயக் கிரியைகளில் ஈடுபடுவது மனித உள்ளங்களுக்கு அமைதியை தருகின்றது. அந்த அமைதிக்காக அனைவரும் ஒரு மனதாக கடவுளுக்காக அர்ப்பணிப்புகளை செய்வார்கள் என்ற நம்பிக்கை உண்டு, அது சிறந்ததோர் சமூகத்தையும் ஆரோக்கியமான வாழ்வையும் கட்டியெழுப்பும் நோக்கத்திற்கு ஆசியாக அமையுமென செந்தில் தொண்டமான் குறிப்பிட்டுள்ளார்.