தமிழ் மக்கள் விடுதலை புலிகள் கட்சியானது நடைபெறவுள்ள பாராளுமன்ற தேர்தலில் கிழக்கு மாகாணத்தில் உள்ள மூன்று மாவட்டங்களிலும் போட்டியிடுகின்ற நிலையில் அதன் ஒரு அங்கமாக திருகோணமலை மாவட்டத்தில் போட்டியிடும் வேட்பாளர்களுக்கான அறிமுக நிகழ்வானது ராஜோதயம் சதுக்கத்தில் அமைந்துள்ள மத்தியஸ்த சபை மண்டபத்தில் இன்றைய தினம் (17) நடைபெற்றது.
திருகோணமலை மாவட்டத்தில் கட்சியின் படகு சின்னத்தில் தலைமை வேட்பாளராக போட்டியிடும் குமாரசாமி நளினகாந்தன் மற்றும் ஏகாந்தமூர்த்தி மோகனராஜ், கமலசேகரன் டிலீப், கிருஷ்ணபிள்ளை கமலேஸ்வரன், வினாயகமூர்த்தி மதுரேஸ்வரி, சின்னராசா புவனேஸ்வரன், சிவலிங்கம் நாகராசா உள்ளிட்ட ஏழு வேட்பாளர்களும் தங்களை அறிமுகம் செய்து வைத்திருந்தனர்.