நிலவும் சீரற்ற காலநிலை காரணமாக கொழும்பு கல்வி வலயத்திலுள்ள பாடசாலைகள் நாளை (15) மூடப்படும் என கல்வி அறிவியல் மற்றும் தொழில்நுட்ப அமைச்சு அறிவித்துள்ளது.
இன்று (14.10.2024) கல்வி அமைச்சினால் வெளியிடப்பட்டுள்ள ஊடக அறிக்கையிலே இவ்வாறு அறிவிப்பு விடுக்கப்பட்டுள்ளது.
இதேவேளை, கம்பஹா, களனி, கொலன்னாவ மற்றும் கடுவெல கல்வி வலயங்களின் அனைத்து அரச பாடசாலைகளும் நாளை (15) மூடப்படுவதாக அந்த அறிக்கையில் மேலும் குறிப்பிடப்பட்டுள்ளது.
இது தொடர்பாக உரிய நடவடிக்கைகளை மேற்கொள்ளுமாறு சம்மந்தப்பட்ட திணைக்களங்களுக்கு கல்வி அமைச்சினால் பணிப்புரை விடுக்கப்பட்டுள்ளமை குறிப்படத்தக்கது.